2023年2月26日 星期日
2023年2月25日 星期六
《作田人博物館導覽》推薦序
《作田人博物館導覽》推薦序
張學謙（國立台東大學）
https://siaulahjih.github.io/ChohChhanLang/pages/su_tiunnhakkhiam/
2013年，阮kah蕭平治老師chham台東ê康樂國小合作，同齊起造文物數位典藏館。這个計畫m̄-nā欲典藏咱ê文物，嘛向望欲透過地方文物，予學生囡仔，uì認捌文物開始，來瞭解咱ê歷史、文化kah社會。
文物kah歷史仝款，會當予咱認bat過去，釘根現代，勇敢行向未來。咱對歷史學家路巴kah肯德里克（Lubar & Kendrick）hia學習「看文物，想歷史」ê方法。In教咱對文物看歷史ê五種方法： 一、故事：文物有伊家己ê故事。 二、結合：文物kā人連結做伙。 三、意義：文物有真濟種ê意義。 四、重現：文物kā過去重現出來。 五、變遷：文物反映歷史ê變遷。
有歷史記智ê人生是彩色--ê，若無咱ê人生會變做烏白--ê。咱收集ê文物、古物仔，是看會著ê歷史記智。古物仔bē講話，阮典藏ê古物，就是請蕭平治老師透過台語文，呈現古物仔ê功能kah意義。
真歡喜平治兄kā伊寫ê古物仔作品，整理出版做《作田人博物館導覽》。伊示範咱按怎「看文物，想歷史」，伊ê冊kā咱講文物ê故事，文物按怎kah人結合，以及文物ê意義kah變遷。
這本冊真完整呈現農業社會ê文物，內底有古物仔ê相片，嘛有活跳ê台語文，予咱會當透過咱ê母語，閣較進一步深刻認bat咱ê民間社會所蘊藏ê智識寶庫。這本冊m̄-nā有保存記錄古文物ê價值，嘛顯明台語文對文化保存ê重要。就算是看會著ê文物，嘛需要語言文字ê幫贊，才有法度完整呈現佇眾人ê面頭前。
Phàng見ê物件，愛kā揣轉來，流失ê語言，閣較愛kā復興。平治兄kā phàng見ê文物揣轉來，用相片做一个記錄，閣用文字kā流失ê語言留落來。恭喜平治兄出冊，嘛感謝伊長期以來，佇台語文花園用心leh掖種、沃肥、灌溉，予咱ê台語文lú來lú大欉，台語文ê發展嘛lú來lú交易。
2023年2月24日 星期五
台語-華語的雙語國家a是華語-英語的雙語國家？
99 年人口及住宅普查的語言使用統計，重點如下：
“八、國人在家使用語言以國語及閩南語最多 國人在家使用語言以國語及閩南語最多 國人在家使用語言以國語及閩南語最多，地區別差異顯著 地區別差異顯著 地區別差異顯著
99 年底臺閩地區 6 歲以上本國籍常住人口中，每百人有 83.5 人使用國語，81.9 人使用閩南語，
使用客家語及原住民族語者，每百人則為 6.6 人及 1.4 人。”
https://www.stat.gov.tw/public/Attachment/21081884771.pdf
台語kah華語使用人口相當，國家語言政策應該愛考慮互台語kah華語成作雙語國家的兩種語言，目前講是英語-華語的雙語，其實無合台灣語言狀況，英語ti台灣一百個人才二個有leh使用。
咱著趕緊來開拓大學國家語言教冊的空間（漢字版）
2023.01.31 21:21
張學謙
https://www.taiwantimes.com.tw/app-container/app-content/new/new-content-detail?blogId=blog-04d144ea-8283-42a8-b6c2-98ac737700f5
你敢知影本土語言佇「國家語言發展法」通過了後，已經有「國家語言」的地位，同時嘛會當做教學語言？為著落實國家語言發展法，教育部佇國小、國中及高中將本土語文列做部定必修課程，嘛有浸水式教學的推廣工作。可惜，猶閣欠大學的國家語言推廣。講起來嘛奇怪，現此時的雙語政策有華語及英語，毋過無「國家語言」，致使高等教育干焦有英語教課的EMI，國家語言的教學語言地位干焦是空喙哺舌咧。
為啥物咱愛用本土語言佇大學教冊？按呢有啥物意義？除了有雙語教育的各種好處，親像支持多元文化、多語學習、認知靈活、社會正義等等。特別需要強調伊對語言公平、語言智識化和現代化的意義。台灣語言佇高等教育予人看無是語言無公平的結果。中央研究院何大安院士主張用「語域共享」的概念，來追求語言的公平正義，伊講咱有必要「替受壓迫的語言爭取語域、創新語域，予所有的語言攏會當 佇 完整的語域中自由生長、自由創造……予受捆縛的語言活力閣活。」世界上有袂少語言面臨滅絕的危機，無發展做智識的語言，綴袂著現代化的跤步攏是可能的原因。國家語言若佇大學成做教學語言，不但會當提升本土語言地位及功能，閣會當促進本土語言智識化及現代化的發展。
有人講本土語言教冊真好，不過，敢有法度用母語教大學的課程？這著需要大學教師成做課堂語言政策的規劃者及執行者，透過課堂解說、協商本土語言教課的意義及具體的實踐，起造大學課堂母語教學的空間。目前已經有寡教師佇大學用母語傳授智識，做掖種的工課。舉幾個例：台灣大學周婉窈教授捌用台語錄台灣歷史的廣播節目，嘛佇大學用台語教「近代台灣的歷程」課程。台灣師範大學黃浩霆教授，伊對香港來的 ，用台語開設「基礎商業資料視覺化及溝通」課程，仝一門課選擇台語教課的學生比英語教課較濟。成功大學蔡美慧教授開設「講台語看英語認捌世界的故事」通識課。以上的例顯示，台語教冊是紡會行的。可惜，目前大學國家語言教冊的課程比率可能無到萬分之一。
「學會曉華語、失去母語」是台灣人共同的教育經驗，印證語言復興學者所講的：「教育是語言使用極為關鍵的領域……當學校教育干焦以國語進行，地方語言必然衰微。」大學的本土語言教冊有伊的必要性及可行性，若無實際去實踐，國家語言的教學語言地位著只是一張白紙。教育當局需要明確宣示支持用國家語言教課的政策，提出大學國家語言教課的規劃，進行教課培訓、開發教材及建立獎賞制度，拆除共國家語言擋佇大學課堂外口的單語意識形態高牆。閣較有公平合理的語言政策猶原需要日常課堂的實踐行動才有價值，大學教師需要發揮主體性，盡心盡力規劃及實踐國家語言教課政策，建立大學國家語言教冊的意識形態及實施空間。
咱tō趕緊來開拓大學國家語言授課ê空間
2019年公告ê「國家語言發展法」賦予台灣各族群語言「國家語言」地位，該法第九條規定「學校教育得使用各國家語言為之」。也tō是講，本土語言成做教學語言已經有法律基礎。因應國家語言發展法，教育部tī國小、國中kah高中攏有本土語言課程，嘛有「沉浸式教學」ê推廣工作。可惜，獨缺高等教育ê國家語言推廣，雙語國家政策ê雙語嘛無包括「國家語言」，kan-ta有英語授課ê EMI，無台語授課ê TMI。大學本身嘛真罕得有積極鼓勵用國家語言授課ê例。
國家語言授課有語言解放、語言智識化和現代化ê意義。何大安院士主張「語域共享」ê概念，認為有必要「替受壓迫ê語言爭取語域、創新語域，予所有ê語言攏會當tī完整ê語域中自由生長、自由創造……還予遮ê語言所被剝奪ê語域，親像教育、醫療、法律、政治、宗教、藝術等等，予受捆縛ê語言活力閣活。」世界上有袂少語言面臨滅絕ê危機，無發展做智識ê語言，綴袂著現代化ê跤步攏是可能ê原因。國家語言若tī大學做教學語言，m̄-nā會當提升本土語言地位kah功能，閣會當促進本土語言智識化kah現代化ê發展。
大學教師tī課堂ê本土語言授課實踐上蓋關鍵。畢竟徒法不足以自行，大學教師成做課堂語言政策ê規劃者kah執行者，會當透過tī課堂解釋、協商本土語言授課ê意義kah具體ê實踐，著會當開闢本土語言ê「意識形態kah執行」空間。舉幾个仔例：台灣大學周婉窈教授bat用台語錄製「Lán ê 島嶼．lán ê 歷史」節目，嘛tī大學用台語教授「近代台灣ê歷程」ê課程。台灣師範大學黃浩霆教授，來自香港，用台語開設「基礎商業資料視覺化kah溝通」課程，同一門課選擇台語授課ê學生比英語授課較濟。成功大學蔡美慧教授開設「講台語看英語認捌世界ê故事」ê通識課。以上ê例顯示，台語授課有可行性。。
過去台灣語言tī教育過程中受壓制，本土語言hông看無，致使語言流失，taⁿ本土語言得著國家語言kah授課語言ê地位，但是m̄-koh大學國家語言授課，猶未時行。高等教育ê國家語言推廣閣較拍拚咧，教育當局需要明確ê宣示支持國家語言授課，提出大學國家語言授課政策，進行相關ê授課培訓、開發教材kah建立獎賞制度，拆除kā國家語言阻絕阻擋tī大學課堂之外ê單語意識形態高牆。同時，大學教師嘛需要發揮主體性，盡心盡力規劃kah實踐國家語言授課政策，建立大學國家語言授課ê意識形態kah實施空間。
2015年5月25日 星期一
2014年7月19日 星期六
“我把西班牙语看作是一种家里的语言。……如果我走进教室时听到我的老师们用西班
牙语跟我说话，我肯定会感到高兴，我就不会那么害怕了。……但我就会延误——大大
推迟——必须学习公共社会的语言。……但那时我无法相信英语会是我使用的语言。”
——散文作家理查德∙罗德里格斯（Richard Rodriguez）描述在学习他父母使用的西班牙
语和学习英语之间的矛盾。
引自理查德∙罗德里格斯的《我的自转——记忆的饥荒：教育理查德∙罗德里格斯》
（The Hunger of Memory: The Education of Richard Rodriguez, an
Autobiography）。纽约戴尔出版社（The Dial Press），1982 年；第 19 页。
http://photos.state.gov/libraries/amgov/30145/publications-chinese/1010.pdf
訂閱：
文章 (Atom)