教人罵人？

http://tw.news.yahoo.com/%E4%BA%BA%E6%A0%BC%E8%A9%86%E6%AF%80-%E6%9C%89%E6%AF%94-%E5%B9%B9-%E6%9B%B4%E6%B1%99%E7%A9%A2%E7%9A%84%E7%8E%A9%E6%84%8F-%E5%BC%B5%E5%A4%A7%E6%98%A5-%E6%88%91%E4%B8%8D%E6%9C%83%E7%BD%B5%E8%94%A3%E7%8B%97%E9%9B%9C%E7%A2%8E-213000298.html

我看這個新聞感覺真趣味，報紙chit-ma 嘛有teh教人按怎罵，佇報紙的鼓吹之下，罵人kai3像變做誠高貴的行為，當然前提是這个人所講的話真可惡，所以嘛免管憲法、法律保障人的尊嚴，人格完整，只要咱be爽、凍袂牢，免客氣，只要喙開開，啥物垃圾話做你講。這有影是真好的品格教育。紲落凡勢愛推動立法共即呢好的道德，訂做法律毋但罵人袂使定罪，若因為性地傷好，無彼號勇氣去罵人，國家有義務替伊倩一个罵人專家，替伊出氣，hông罵的人當然嘛會當罵倒轉來，國家同時愛設立一个相罵裁判，罵輸的人愛出倩人相罵佮裁判的費用。這个方法若實施落去，相信咱罵人的功力，一定變做世界第一等。當然頭一步是愛建立罵人專家人才資料庫，我看下面職分報紙已經有袂少人選啊。職分名單有一个問題，著是欠原住民語，客語佮台語的專家。毋過我相信國家若有決心beh做，應屆真緊著會當揣著袂少的人才。按呢咱的品格教育閣會當佮母語教育結合做伙，抑是講"統整"做伙，嘛符合9年一貫教育的精神。今仔日是囡仔節，逐家著好好仔教囡仔，三不五時著加罵幾句啊，才袂罵輸人，毋但了錢，閣失面子。