讀寫母語佮獎賞系統ê建立

讀寫母語佮獎賞系統ê建立

這馬咱已經有各族群ê母語教育。政治大學有執行原住民母語教育ê相關空課。In誠好意，有予我機會去了解原住民母語教育佮教材編輯ê情形。

我參觀ê主要感想著是母語讀寫會當建立母語發展ê基礎佮建立母語ê獎勵系統。我去參觀ê一个假日母語班有老母綴囡仔去上母語課。我注意看伊寫ê筆記，紲驚一趒，寫了有夠功夫，進前老師教ê物件伊嘛攏會曉，閣會扳phok仔查過去寫ê筆記。

我有聽老師講有寡家長真認真學習，嘛咧學讀寫，有ê閣計畫欲去考母語認證。

我想原住民委員會若好好仔推sak母語讀寫，毋但對母語保存有幫助，閣會當培養真濟讀寫，編輯佮翻譯ê人才。讀寫毋但提升意識閣會帶來經濟利益。