3月30日這學期第一擺去康樂進行社區雙語繪本計畫

今仔日是這學期第一擺去康樂國小進行NSC的計畫。這擺的主題是teh-beh絕種的動物。
我想卜教生態保育的議題。今仔日一開始是A-siâm教囡仔畫海豬。我真久無看著A-siâm啊。
我聽伊講伊退休了後繼續teh畫圖，今仔日閣對高雄轉來,tàu上課，實在真感心。總是，這擺學生來無濟。
加起來才6個。第一節予囡仔畫圖，第二節我先教in動物絕種的危機，包括目前的狀況, 絕種的原因，
挽救的方法，煞落來予in寫保護動物的口號。後禮拜拍算予囡仔寫故事，這禮拜會當來chhoân一寡kah動物有關係的故事kah圖畫冊。