Project Lingua e chu-liau

Ti bang-lou khoaN-tioh chit e to-gi-gian hoan-ek e bang-cham:
http://globalvoicesonline.org/lingua/
"Project Lingua seeks to amplify Global Voices in languages other than English with the help of volunteer translators. It will open lines of communication with non-english speaking bloggers and readers of GV by translating main GV site content into other languages."

今仔日買一本冊: 學習要像加勒比海盜

今仔日佇冊店買一本冊, 叫做"學習要像加勒比海盜"，是翻譯的冊。
這本冊講著袂少學習方法的物件，這學期有咧教思維佮寫作，著共買轉來參考。
作者是自學成功的例,伊袂慣勢學校的教學方式，高中讀無畢業著休學，家己學習。
伊用海賊的比喻來講伊對教育的看法,伊有講著11項自我教育的要素，值著參考。
我感覺台灣的教育干單強調被動式的學習，真欠缺主動學習的精神，
這本冊佇這方面應該會當作真好的參考。
毋知tó這位學者講伊畢業了後所學的物件90%佇學校毋捌學過。
看起來若無繼續學習真緊著綴袂著時代。

研討會講著呂興昌的＜請你做伙來救助＞

我châng 佇研討會咧報告台語行銷的時陣有引用呂興昌教授的詩，＜請你做伙來救助＞:

『人講珍貴 e5 動物 ai3 保護/稀罕e5植物 ai3 照顧/不管是來做人客e5 la7-poe ti7 七股/或是水筆仔落地生根四草湖/鳥仔ai3保護樹仔 ai3 照顧/老師大聲呼，學生不敢激 khou3- khou3/人 kap 自然做伙來喘氣/台灣 e5 未來 chiah 會有前途/可惜台灣目睭 hou7 中國螺仔肉糊/台灣嘴舌 hou7 中國病毒 tou3/強 beh 絕種 e5 母語/父母 tiN3-恬恬，/囡仔笑嘻嘻講伊【還是活得很快活】/老師 chhin3-chai2 教，學生加減度/英語 sia3-sia3 叫，中國話極 chhio-tio5/台灣話大嘴開開土土土/氣死阿公阿媽變無步 /樹仔 ai3 照顧/鳥仔 ai3 保護/強 beh 絕種 e5 母語/請你做伙來救助/ 』

內底有寡話khah敏感，尾仔著有人講宣傳的時若講chia的話恐驚會有反效果。這個評論實在趣味，對我來講，行銷的目的是欲予人有機會通好重新思考家庭語言的態度佮習慣，講好聽話，是khah bē得失人，毋過著失去批判，反省的機會。我聽的時陣其實是咧想Skutnabb-Kangas閣較直接閣歹聽，毋過成有道理的話:"學校常在是母語的屠殺場，佇hia 咧教冊的，嘛定定是母語殺手。" 我想行銷的方法猶閣無夠，教育內底愛有閣較濟的批判語言意識教育，才有法度共一寡錯誤的觀念去除(un-learn)，重新學習(re-learn)符合正義/公平/人性的語言意識。

Lán lóng sī Tâi-gí mā lóng sī hiong-thó͘ gí-giân

í-hā siaⁿ-tiāu ū ê cháu bē-chhut-lâi, ài koh siū-kái.

Kin-á-ji̍t hē-lih pān gián-thó-hoē Ún-giân hiaⁿ kah goá kiong-tông hoat-piáu chi̍t phiⁿ bûn-chiuⁿ, lāi-té ū iōng tio̍h Taî-gí chi̍t-ê sû, in-khì lâng ê chit-gî. Chit-ê miâ-sû ê cheng-lūn í-keng chin kú a.

Tuì hó ê hong-bīn lâi siūⁿ ta̍k cho̍k jīn-tông Tâi-oân lóng beh chò Taî-oân gí-giân, beh sêng-jīn in sī Tâi-oân-lâng, che sī chi̍t-kiāⁿ hó tāi-chì. M̄-koh ū ê lâng chin ài sù goá ê gí-giân goá bô kah-ì ê miā, goá nā bô hoaⁿ-hì tio̍h beh kā goá tì-bô-á kóng goá sī soa-bûn-chú-gī-chiá, che goá si̍t-chāi mā chiâⁿ bô-hoat-tō͘ chiap-siū.

M̄-koh goá kin-á-ji̍t bô kah lâng kóng chia ê, goá kè-siok kóng pún-thó͘-gí-giân kiōng-tông ê só͘-chāi, chit-kú-oē: LÁN LÓNG SĪ BÔ TĒ-UĪ Ê THÓ͘-OĒ (VERNACULAR), lán lâng sui-jiân kài-chē, Hoâ-gí-chok-kûn í-goā ê lâng beh kà 85%, m̄-koh lán lóng bô ti̍t-tio̍h hoat-lu̍t ê tē-uī.

Unesco (1951: 689-690) kā hiong-thó͘-gí-giân tēng-gí chò: "tī siā-hoē-siōng, chéng-tī-siōng siū kóng bô-kâng-khoán gí-gián ê thoân-thé chái-chè (宰制) ê thoân-thé ê tē-it-gí-giân." Goá an-ne kóng ê goân-in sī beh thê-chhéⁿ ta̍k-ke Tâi-oân ê pún-thó͘-gí-giân, put-koán tō chi̍t-chok, lóng iáu bô ti̍t-tio̍h kàu-gia̍h ê gí-giân khoân-lī kah tē-uī. Chit-khoán chè-tō͘-sèng ê gî-tē khióng-kiâⁿ pí chok-kûn gí-giân ê miâ-chheng koh-khah tiōng-iàu.

Goá siūⁿ nā sī kam-kak pat-ê gí-giân kiò Tâi-gí sī bô kong-pêⁿ, èng-kai koáⁿ-kín cheng-chhú koaⁿ-hong ê sêng-jīm, tio̍h-sǹg ū phah-sǹg beh kā Tâi-gí kài-chò pāu-koah só͘-ū ê Tâi-oân gí-giân mā sī ài tī hoat-lu̍t ê chân-chhù kái-koat.

Put-koh chin khó-sioh, thóng-tī-chiá iōng hun-khui thóng-tī ê hong-sek, hō͘ chia ê chok-kûn bē-ha̍h, kiat-kò ta̍k-ke iáu-boē khì kā thóng-tī-chiá cheng-chhú tē-uī chìn-chêng, tio̍h oan bē-soah a.

Goá ū-tang-sî-á chin hoâi-gî hia ê tuì Taí-gí chi̍t-ê sû put-boán ê lâng kam chin-chiáⁿ ū phah-sǹg beh cheng-chhú gí-giân ê tē-uī, in-uī lán nā kā mn̄g khoàⁿ in tuì pún-thó͘-gí-giân chò koaⁿ-hong gí-giân ê thāi-tō͘ ê sî, in tiaⁿ-tiaⁿ kóng chin chē lí-iû lâi hoán-tuì. Chia ê lâng sit-chāi bô su-iáu kā in chhèⁿ, in khióng-kiâⁿ kan-ta tuì chit-ê sû bē-sóng niā, tuì ka-tī ê gí-giân ê tē-uī bô-iáⁿ iāu-ì.

FW:蘇打綠-無眠POJ

<無眠> 是蘇打綠新專輯<夏/狂熱>裏的台語歌.
蘇打綠唱- 詞林暐哲.青峰 曲:小威
聽歌學POJ:http://www.youtube.com/watch?v=qXv7POo5MNI
LMJ 歌詞會當看：
http://www.wretch.cc/blog/philosophysu/16152240

10月10日學生來gun tau食Pizza

我導師班ê學生來阮兜食飯，彼工無閒thang煮飯，逐家做伙食pizza。
本底是13个人欲來尾仔有16个人，加上阮兜3个人，抵好19个人，真鬧熱。
阮兜這隻狗，可可，真受歡迎。

TJ台語白話小詞典 出版啊！

開學了後，無閑教冊kah寫Finland彼篇論文，無時間寫blog。
昨昏收著張裕宏教授編êTJ台語白話小詞典，實在真歡喜，今仔日揣時間來寫
這ê消息。這本辭典是白話ê辭典，真濟口語詞攏有收，真正是會講話ê字典。
另外，我嘛真合意這本辭典詳細ê記號(pp.xxv-xxvi)，逐條辭項攏有注詞類。
我這學期嘛有教台語讀寫，予學生讀阿鳳姨ê五度空間，逐家攏讀kah笑咍咍。