11 goeh 3 ho khi Khong-lok kok-sio chin-heng sia-khu siang-gi thak-sia ke-oe

Chit le-pai 3 kah 5 e hak-seng khi Khong-lok kok-sio ka gin-a thak-sia.
Gun ti Chu-jian-kho kau-sek siong-kho, hak-seng u 16 e, u 2 e thiaN-bo Tai-gi.
Goa kah Sou-iong cho ke-oe e kai-siau, sou-iong koh u liam hoe-pun hou gin-a thiaN. Goa kah Sou-iong Tai-gi kah Hoa-gi lam leh kong.

Pai 3 tai-khai chin-heng e cheng-heng si an-ne:
It-khai-si seng hun-chou, 5A kah 5B e hak-seng long siuN beh kang-pan e chit-chou, boe-a iau-si ka in lam-lam-cho-hoe, mui chit chou u chit e chou-kau ka in chi-tho, chu-iau tioh-si chhoa-nia tho-lun kah mng in bun-te.
Hun-chou soah seng khi hau-hng chham-koan chhiu-a, SJ cho siau-kai.
Soah-loh-lai hou in hioh-khun 10 hun-cheng, chhiaN in chiah tng-a.
Te-ji-chiat SJ liam hoe-pun hou in thiaN, chheh-mia kio-cho "Kou-toa e chhiu-a". I iong Tai-gi kah Hoa-gi kong kou-su, ma u mng in bun-te, hak-seng chin choan-sim teh thiaN.

Te 3 chiat, goa pun kin-a-jit e TIPS chok-giap. Chit e chok-giap e bok-tek si beh hou ka-tiuN ma chham-u gin-a e sia-chok. Chou-kau u seng ka lai-iong ka in kai-soeh chit-e. Sui-jian beh hou in theh-tng-khi mng ka-tiuN liau-au chiah sia, m-koh be-chio hak-seng, iau-boe hong-mng tioh khai-si teh sia a. Hoan-se in e-tang sia 2 e pan-pun, chit e si in ka-ki sia e, chit e si mng ka-tiuN liau-au sia e.

3 tiam e si-chun 3 ui chou-li ai siong-kho, sou-i seng chau. Goa koh to-tng-lai kai-siau chit e ke-oe e bok-tek kah siang-gi hoe-pun e i-su. SJ u liam Ada hit siu si.

Au-le-pai an-sng beh hou in hoat-piau chit pian tng-khi sia e chu-te "chhiu-a". Au-le-pai e-tang hou chou-kau kah in cho-hoe tho-lun chhou-ko, siu-kai kah chun-pi chhou-pou e hoan-ek.

Goa u chhiaN cho-li tng-khi sia kam-siong kah kian-gi, au-le-pai-it ai koh kui-oe au-le-pai e chin-tou.