七美幼稚園自編台語教材序言

咱台語所的畢業生黃裕真最近出版in幼稚園創作的《來唱七美的囝仔歌》。我有ka寫序言，我最近ti台東ma teh做類似的物件。伊這本冊是我真好的參考。我最近tu-tioh 的困境是家庭、社區的參與iau無夠。裕真ti這方面作了真chan。


七美幼稚園自編台語教材序言

《來唱七美的囡仔歌》是一本真有在地意識的教材。這本冊是學校老師、囡仔佮社區人士合作寫出來的在地歌聲。第一輯的兩个主題，「七美好tshit thô」佮「搰力打拼的七美人」，分別唱出七美的好光景佮七美各行各業認真拍拚的精神。這本冊歌詞優美、內容豐富，真適合作在地母語教育的路用。

結合社區佮學校是真流行的教育口號。有寡學校著共學校的圍牆仔摃掉，來表示學校佮社區真倚。毋過，當學校無接納社區的語言文化的時陣，學校佮社區彼个的無形的圍牆仔永遠著無法度拆除。

這本教材通大的貢獻著是共囡仔紮去學校的語言文化資源當作是母語教育愛注重的「智識基金」，透過在地的囡仔歌來保存kah發展當地語言。「無落種，袂收成」，咱需要閣較濟親像這款的母語教育實踐。

Hak-khiam