欲按怎教囡仔翻譯？

欲按怎教囡仔翻譯？最近進行翻譯教學的計畫，用翻譯的方式教囡仔製作雙語冊。當teh想欲按怎做，目前的想法是透過無仝譯本的比較，親像機器翻譯佮人工翻譯比較，囡仔翻譯佮專家翻譯的比較。我想透過這款方式囡仔會當比較台語華語的異同，應該是會當促進語言的學習轉移（transfer）。我家己咧看英語節目的時陣，有當時仔對字幕hia學著一寡語詞的用法佮意義。我相信雙語對照的譯本對語言程度應該有提升的作用。當然愛避免干焦看較捌的語言彼爿，較毋捌的著無咧看。