有一個會員啊

今仔日去共阮囝同學ê媽媽買紅豆餅，順紲共講我11月欲佇學校推sak雙語冊ê活動。伊聽了真歡喜，講伊嘛欲加入雙語冊ê制作團隊。In先生是Amis，聽伊講in尪介gâu講Amis ê話，按呢我嘛會當共雙語冊翻作Amis ê 話。我按算這禮拜共欲去學校推sak雙語冊ê計畫寫出來，袂當閣拖啊。我定定一直看冊，結果詳細ê行動計畫攏猶未寫煞，最近看ê冊成有意思，總是若無變作行動，嘛是無效。明仔載佮後日有時間愛緊來寫。