Choe-kin Tai-gi-bang teh tho-lun Tai-lo/TL/台羅.Goa siuN beh liau-kai Tai-lo chit-e su si an to-ui lai e.In-ui Kau-iok-pou ka chit-e LMU he-thong kio-cho 臺灣閩南語羅馬字拼音."Tai-oan Ban-lam-gi Lo-ma-ji Phin-im" e kan-sia, m-chai beh an-choaN sia?KoaN-hong kam u kui-teng ah-si u su-iong kan-sia e cho-hoat?
Choe-kin TLH u teh bu chit-e "Tai-gi" chiaN-mia un-tong. "Tai-oan Ban-lam-gi Lo-ma-ji Phin-im" kam u beh ka kai-cho"Tai-gi Lo-ma-ji Phin-im" ? Tui phin-im ah-si iong-ji u i-kian e lang, e-tang khi Kau-iok-pou Kok-gi-hoe e bang-cham thiam-pio:http://www.edu.tw/mandr/itemize_list.aspx?site_content_sn=3363
Leng-goa, choe-kin teh kong phiau-chun-hoa e gi-te, goa e i-kian si phiau-chun-hoa m-si kho hoat-leng, ai kho sit-chian,iong cho-e, m-si iong kong-e. Ke chit-e he-thong u-tang-sia chi-si "teng-sin hoat-beng lian-a" (re-inventing the wheel), goa siuN Khai-ko kong e "ke gau" kho-leng si chit e i-su. Goa bo chan-seng tiaN-tiaN hoat-beng sin lian-a, m-koh na-si kan-ta TL kah TLPA, goa e soan TL, na u POJ thang soan, goa e soan POJ. TL e koaN-hong te-ui te-ki-lai tai-khai be kai-pian, chong-si POJ e chian-tou tioh-ai khoaN koe-khi e chi-chhi chia si beh 2 e soan 1 e ah-si 2 e long soan. Bun-ji kah gi-gian e soan-tek chin che si-chun long si si-koe oa toa-peng, khah jiok-se-e chiam-chiam e bo-khi. Sia-hoe-gi-gian-hak ki-sit tioh-si teh gian-kiu gi-gian e to-iuN-hoa, na gi-gian long phiau-chun-hoa sit-chai kong si chin bo chhu-bi,
Phiau-chun-hoa si gu-bun kui-oe (corpus planning) e chit-chiong, koh-u te-ui/kong-leng kui-oe (status planning), hak-sip kui-oe (acquistion planning). Boe-a chit 2 hang khah chio lang kong, kai-seng chi-iau kang chit-tho tioh ho a, chhun-e tioh bo tiong-iau. LMJ beh iong ti to-ui, beh an-choaN ka....Chia e bun-te tat-tit tai-ke tho-lun kah heng-tong.
沒有留言:
張貼留言