張學謙
摘要
這章欲討論家庭佮學校母語教育的缺失佮改進的方向，提出應該結合家庭佮學校的主張佮做法。欲促進母語保存，母語愛成做家庭的語言，父母愛用母語佮囡仔溝通，家庭講母語是保存母語上簡單、上重要的方法。學校愛用添加式的方法進行語言教育，袂當閣犧牲母語，來學習語言。教師愛結合家庭佮學校的母語教育，共家庭、社區當作是寶貴的資源。學校佮家庭攏愛成做爭取語言權利、語言解放佮建立母語主體性的所在。本文建議學校採取三種幫贊語言保存的行動：傳播訊息、改變態度佮持續的行動；嘛建議四个結合學校佮家庭母語教育的行動方向：推展學生家庭母語的使用；家長成作智識的建構者；家長佮囝仔做夥讀寫雙語冊；追求自我解放佮建立語言權利。
第五節 結論
這个時代是母語存亡的關鍵。雖然閣有袂少的父母會曉講母語，毋過in有的無共母語傳承予囡仔，造成家庭母語失傳。只要作父母的改變習慣，改用母語作家庭語言，母語著會當繼續傳承。學校的母語教育猶是無夠額。學校的語言教育猶閣需要轉型作添加式的雙語教育，袂當閣犧牲母語，來學習語言。學校愛去除鄙視母語的意識形態，變作支持母語的機構，袂當閣成作母語流失的原因。教師需要想辦法結合家庭佮學校的母語教育，共家庭、社區當作是寶貴的教學資源、智識基金。家長、教師佮學生攏需要追求語言權利、語言解放，建立母語使用的權利佮母語的主體性。
共咱的頷仔頸鄭牢牢，予咱無法度自由講母語的因素繼續存在。單一同化的語言態度佇教育界猶閣真有勢力，隨時想欲轉來共咱掛狗牌仔，予咱恬靜無聲。咱愛清楚共in講咱的主張：語言教育追求的是語言的解放，毋是束縛，是語言的權利，毋是語言的冤屈，是語言的閣活，毋是語言的死亡，是語言資源的開發，毋是語言資源的 thó-chè。咱嘛愛予in知影咱爭取母語tháu-pàng 的決心，袂當予in 共咱的舌切斷，予咱失去父母的聲音。
「無落種，袂收成」。咱行真長的路途才爭取著見本櫥式的母語教育。總是，咱若有心猶是有法度佇家庭佮學校內底chhiau-chhoē出母語的空間。「甘願做牛，免驚無犁通拖」，不管是家長抑是老師只要決意欲維持母語的生存，攏會當佇家庭佮學校起造母語的花園，母語的種子愛趕緊種落去，掖肥、沃水、搓草攏愛照起工，相信無偌久咱著會當看著美麗島成作一座語言花園，四界開滿各種色水、無仝芳味的母語花蕊。希望你嘛是佇這座語言花園拍拚的園丁。
摘要
這章欲討論家庭佮學校母語教育的缺失佮改進的方向，提出應該結合家庭佮學校的主張佮做法。欲促進母語保存，母語愛成做家庭的語言，父母愛用母語佮囡仔溝通，家庭講母語是保存母語上簡單、上重要的方法。學校愛用添加式的方法進行語言教育，袂當閣犧牲母語，來學習語言。教師愛結合家庭佮學校的母語教育，共家庭、社區當作是寶貴的資源。學校佮家庭攏愛成做爭取語言權利、語言解放佮建立母語主體性的所在。本文建議學校採取三種幫贊語言保存的行動：傳播訊息、改變態度佮持續的行動；嘛建議四个結合學校佮家庭母語教育的行動方向：推展學生家庭母語的使用；家長成作智識的建構者；家長佮囝仔做夥讀寫雙語冊；追求自我解放佮建立語言權利。
第五節 結論
這个時代是母語存亡的關鍵。雖然閣有袂少的父母會曉講母語，毋過in有的無共母語傳承予囡仔，造成家庭母語失傳。只要作父母的改變習慣，改用母語作家庭語言，母語著會當繼續傳承。學校的母語教育猶是無夠額。學校的語言教育猶閣需要轉型作添加式的雙語教育，袂當閣犧牲母語，來學習語言。學校愛去除鄙視母語的意識形態，變作支持母語的機構，袂當閣成作母語流失的原因。教師需要想辦法結合家庭佮學校的母語教育，共家庭、社區當作是寶貴的教學資源、智識基金。家長、教師佮學生攏需要追求語言權利、語言解放，建立母語使用的權利佮母語的主體性。
共咱的頷仔頸鄭牢牢，予咱無法度自由講母語的因素繼續存在。單一同化的語言態度佇教育界猶閣真有勢力，隨時想欲轉來共咱掛狗牌仔，予咱恬靜無聲。咱愛清楚共in講咱的主張：語言教育追求的是語言的解放，毋是束縛，是語言的權利，毋是語言的冤屈，是語言的閣活，毋是語言的死亡，是語言資源的開發，毋是語言資源的 thó-chè。咱嘛愛予in知影咱爭取母語tháu-pàng 的決心，袂當予in 共咱的舌切斷，予咱失去父母的聲音。
「無落種，袂收成」。咱行真長的路途才爭取著見本櫥式的母語教育。總是，咱若有心猶是有法度佇家庭佮學校內底chhiau-chhoē出母語的空間。「甘願做牛，免驚無犁通拖」，不管是家長抑是老師只要決意欲維持母語的生存，攏會當佇家庭佮學校起造母語的花園，母語的種子愛趕緊種落去，掖肥、沃水、搓草攏愛照起工，相信無偌久咱著會當看著美麗島成作一座語言花園，四界開滿各種色水、無仝芳味的母語花蕊。希望你嘛是佇這座語言花園拍拚的園丁。
沒有留言:
張貼留言